ओबीसींच्या आरक्षण बचावासाठी भाजपा रस्त्यावर …
बीड ।
मराठा आरक्षणानंतर ओबीसींचे राजकीय आरक्षण टिकवण्यात राज्यातील आघाडी सरकार पूर्णतः अपयशी ठरले. धनगर आरक्षणा बाबतीतही या सरकारची भूमिका स्पष्ट नाही. सरकारच्या भूमिकेमुळे समाजात प्रचंड तणाव निर्माण झाला. समाज उन्नतीसाठी आरक्षण हे महत्त्वाचे धोरण आहे. परंतु राज्य सरकार नीतीशून्य असून त्यांच्याकडे आरक्षणा बाबतीत कोणतेही ठोस धोरण नाही. समाजाच्या हिताचे गांभीर्य नाही. राजकीय इच्छाशक्ती नसल्याने न्यायालयात आरक्षण टिकवण्यात राज्य सरकार असमर्थ ठरले आहे.केवळ राज्य सरकारच्या नाकर्तेपणामुळे मराठा आणि ओबीसींचे आरक्षण टिकू शकले नाही अशी टिका भारतीय जनता पार्टी जिल्हाध्यक्ष राजेंद्र मस्के यांनी केली.
यामूळे राज्य सरकारच्या विरोधात तिव्र नाराजी निर्माण झाली. जनतेतील असंतोष प्रकट करण्या साठी आरक्षणाच्या न्याय हक्कासाठी भारतीय जनता पार्टी लोकनेत्या पंकजाताई गोपीनाथराव मुंडे यांच्या नेतृत्वाखाली संपूर्ण राज्यात चक्काजाम आंदोलन पुकारण्यात आले होते.
बीडमध्ये जिल्हाध्यक्ष राजेंद्र मस्के व अॅड. सर्जेराव तात्या तांदळे व माजी आमदार केशव दादा आंधळे यांच्या मार्गदर्शनाखाली आरक्षणाचे जनक राजर्षी शाहू महाराज यांच्या प्रतिमेचे पूजन करून जयंती साजरी केली. बीड बसस्थानकासमोर दोन तास प्रचंड घोषणाबाजी करत हे चक्काजाम आंदोलन करण्यात आले. पोलिसांनी प्रमुख आंदोलनकर्त्यांना अटक करून सुटका केली.या आंदोलनात भाजपा अल्पसंख्यांक प्रदेशाध्यक्ष एजाज देशमुख, नवनाथ शिराळे,प्रा.देविदास नागरगोजे, राजेंद्र बांगर, जगदीश गुरखूदे, जयश्रीताई मुंडे, विक्रांत हजारी, डॉ लक्ष्मण जाधव,अजय सवाई, सलीम जहांगिर,चंद्रकांत फड, संतोष हंगे, भगीरथ बियाणी, शांतिनाथ डोरले, विलास बामणे, गणेश पुजारी, अनिल चांदणे, हरीश खाडे, भूषण पवार, किरण बांगर, दत्ता परळकर, सुनील मिसाळ, संग्राम बांगर, फारुख भाई, इर्शाद भाई, विठ्ठल ठोकळ, अमोल वडतिले, अजय ढाकणे, मीरा गांधले, शितल राजपूत, संध्या राजपूत, संगीता धसे, छाया मिसाळ,अनिता जाधव, शाम राऊत, रवींद्र कळसाने,राकेश बिराजदार, दिपक थोरात, कपिल सौदा, अडु भाई आदी भाजपा कार्यकर्ते व पदाधिकारी सहभागी झाले होते.
ओबीसी आरक्षण बचावासाठी विविध संघटनांचा पाठिंबा ..
भारतीय जनता पार्टीने पुकारलेल्या ओबीसी आरक्षण आंदोलनाला जिल्ह्यातील बारा बलुतेदार संघटना, माळी महासंघ,धनगर उन्नतीसंघ,नाभिक समाज संघटना,गुरव समाज संघटना,वंजारी सेवासंघ,चर्मकार महासंघ,मागासवर्गीय पदोन्नती बचाव समिती,सकल ओबीसी संघटना,बागवान समाज संघटना,आतार समाज संघटना,महाडगी जोशी समाज संघटना या संघटनांनी पाठींबा दिला ओबीसी समाजाचे सक्रीय कार्यकर्ते प्रा.लक्ष्मण गुंजाळ,प्रकाश कानगावकर,सरपंच पितळे,अशोक पांढरे संजय गुरव, सुतार संघटनेचे बापूराव भालेकर यांनी प्रत्यक्ष आंदोलनात सहभाग नोंदवून समर्थन दिले.