पाटोदा तालुक्यातील बेनसुर गावात डाॅ.गणेश ढवळे यानीं विनामूल्य आरोग्य सेवा दिली ।
बीड । ग्रामिण भागातील दवाखाने, औषधीदुकान आदि नसलेल्या आडवळणी गावातील वस्त्या, तांड्यावर सामाजिक भावनेतून कोरोना कालावधीत ग्रामसमृद्धी चळवळ अंतर्गत सामाजिक कार्यकर्ते डाॅ.गणेश ढवळे लिंबागणेशकर आयोजित विनामूल्य तपासणी व औषधोपचार आरोग्य सेवा देत कोरोनाविषयक जनजागृती करण्याचा उपक्रम राबवला जात आहे.
आज दिनांक १२ जुन शनिवार रोजी पाटोदा तालुक्यातील मौजे बेनसुर या गावामध्ये विनामूल्य आरोग्य सेवा शिबिर ग्रामपंचायत प्रांगणात आयोजित करण्यात आले होते, वयोवृद्ध महिला, पुरूष, आदिंची तपासणी करून त्यांना औषधोपचार करण्यात आले, कोरोना आजारा विषयी काळजी न करता काळजी घ्यावी, मास्क वापरणे, वारंवार हात धुणे , अनावश्यक गर्दी टाळावी आदि सुचना देतानाच ग्रामस्थांच्या शंकाकुशंकाचे निरसण करण्यात आले. यावेळी गावचे सरपंच परसराम आर्सुळ, रामराव आर्सुळ, बबन खोले,बाळासाहेब आर्सुळ, दिलीप आर्सुळ, तात्यासाहेब आर्सुळ आदिंनी उपक्रमास सहकार्य केल .
