कोरोनावर मात केल्यानंतर 3 महिन्यांनी लस ; नव्या गाईडलाईन्स जारी
स्तनपान करणाऱ्या महिलाही लस घेऊ शकता
एनईजीव्हीएसीने केलेल्या सूचनानंतर एखादा व्यक्तीला कोरोना लसीचा पहिला डोस घेतल्यानंतर कोरोनाचा संसर्ग झाला, तर त्याने कोरोनामुक्त झाल्यानंतर 3 महिन्यांनी दुसरा डोस घ्यावा. त्याचबरोबर आपल्या बाळांना स्तनपान करणाऱ्या महिलांनाही कोरोनाची लस दिली जावी असे एनईजीव्हीएसीने म्हटले आहे. तसेच कोरोनाची लस घेण्यासाठी गेलेल्या लोकांची अँटिजन टेस्ट करण्याची गरज नसल्याचे देखील स्पष्ट केले आहे.
लसीकरणाबाबत एनईजीव्हीएसीच्या 4 सूचनांना मंजुरी
1. कोरोनामुक्त झालेल्या व्यक्तीला 3 महिन्यानंतर कोरोना लस दिली जाऊ शकते.
2. कोरोना लसीचा पहिला डोस घेतल्यानंतर कोरोनाचा संसर्ग झाला असेल तर कोरोनातून बरे झाल्यानंतर 3 महिन्यांना दुसरा डोस घ्यावा.
3. आपल्या बाळांना स्तनपान करणाऱ्या माताही कोरोना लस घेऊ शकतात.
4. कोरोना लस घेण्यापूर्वी रॅपिड अँटिजन टेस्ट करण्याची गरज नाही.
